Focea

Un article de Wikipèdia, l'enciclopèdia liura.
Anar a : navigacion, Recercar
Roïnas de l'ancian teatre de Focèa

Focèa (Φώκαια / Phṓkaia) es una anciana ciutat grèga d'Asia Menora, que sos abitants anèron fondar Marselha. Son site es ara ocupat per la ciutat turca de Foça.

Istòria[modificar | modificar la font]

Originas[modificar | modificar la font]

Los tèxtes ancians parlan pas gaire de las originas de la ciutat. Se ditz pasmens que foguèt benlèu fondada per l'atenenc Filogèn amb de colons d'Atenas e de Focida.

Segon Erodòt, Focèa foguèt fondada dins la region del melhor clima del monde.

La Confederacion Ioniana[modificar | modificar la font]

Focèa aparten a la Confederacion Ioniana, recampant dotze ciutats (dodecapòli) d'Asia Menora.

Aquela confederacion èra pas pro fòrta per resistir a las temptativas de dominacion forastièras a partir del sègle VII aC.

La tutèla lidiana[modificar | modificar la font]

A la començança del s. VII aC, per lutar contra l'invasion cimeriana, Gigès, rei de Lidia, establís una aligança amb los grècs, que s'acabarà per la mesa jos protectorat lidian de las ciutats ionianas.

Las colonias focèas[modificar | modificar la font]

Al sègle VI aC., Focèa participa al movement de colonizacion en Mediterranèa occidentala.

Los focèus fondan Massalia en 600 aC. puèi Avenio, Agatha Tyche, Antipolis e Nikaia en Occitània, mas tanben Alalia en Corsega, Elea en Campània, Emporion en Catalonha, Lampsacos e Amisos en Asia Menora.

Destruccion de la ciutat[modificar | modificar la font]

En 546 aC., Focèa es presa pels Pèrsas de Cirus lo Grand, e destrusida. Las familhas mai poderosas de la metropòli aguèron lo temps de fugir de cap a las colonias. Pasmens lo site serà pas jamai complètament abandonat. Aital lo teatre es bastit al sègle IV aC.

Monedas[modificar | modificar la font]

Moneda, 340-335 aC.

Après los Lidians, los Focèus foguèron demèst los primièrs qu'utilizèron las pèças de moneda. Las pus ancianas èron en electron, un aligatge natural d'argent e d'aur. De pèças representan de fòcas, qu'en grèc Φώκη es la fòca.

Eiretatge[modificar | modificar la font]

Lo nom de Focèa es encara viu a Marselha de còps nomenada « la ciutat foceana ».

Un asteroïde descobèrt a Marselha es tanben apelat Focèa.