Elif Şafak

Un article de Wikipèdia, l'enciclopèdia liura.
Anar a : navigacion, Recercar
Elif Şafak

Elif Şafak, tanben escrich sovent jos la forma anglesa Shafak (Estrasborg, 25 d'octobre de 1971) es una escrivana e cronicaira turca. Es un dels autors mai apreciats del país e l'escrivana que sos libres son dins las melhoras vendas. Sos libres, escriches mai que mai en turc mas de còps que i a tanben en anglés, son estats revirats en 39 lengas estrangièras. Son primièr roman, Pinhan, recebèt lo Prèmi Rumi en 1998.

Biografia[modificar | modificar la font]

Elif Şafak nasquèt a Estrasborg en 1971 dins una familha de diplomatas turcs. Quand sos parents divorcièron, demorèt amb sa maire. Passèt son adolescéncia dins divèrses païses, en Espanha a Madrid e en Jordania a Amman, abans de tornar a Turquia. Ailà se diplomèt en Relacions Internacionalas en Orient Mejan a l'Universitat Tecnica d'Ankara. Obtenguèt puèi una mestresa en sciéncia del genre e estudis feminins. Aprèp passèt un doctorat en filosofia dins lo departament de sciéncia politica d'aquela universitat que capitèt amb una tèsi sus la deconstruccion de la feminitat dins l'Islam. Ensenhèt la cultura e l'istòria otomana a l'Universitat Bilgi d'Istanbol e mai tard, a partir de 2002, trabalhèt coma professora als Estats Units dins las universitats de Boston, Michigan e de Tucson.

Òbras[modificar | modificar la font]

  • Kem Gözlere Anadolu (1994)
  • Pinhan (1997)
  • Şehrin Aynaları (1999)
  • Mahrem (2000)
  • Bit Palas (2002)
  • Araf (2004)
  • Beşpeşe (2004)
  • Med-Cezir (2005)
  • Baba ve Piç (2006)
  • Siyah Süt (2007)
  • Aşk (2009)
  • Kâğıt Helva (2010)
  • Firarperest (2010)
  • İskender (2011)
  • Şemspare (2012)