Dapsona
La dapsona es un medicament antibiotic de la familha dei sulfonas. Descubèrta en 1908, limita la multiplicacion dei bactèris. Plaçada sus la lista dei medicaments essenciaus de l'Organizacion Mondiala de la Santat, es principalament utilizada còntra Mycobacterium leprae, bacil responsable de la lèpra. En particular, permet de'n limitar leis efiechs invalidants sensa entraïnar l'aparicion de resisténcias importantas de part dau bactèri (mens de 2% dei cas). Pòu tanben servir còntra d'autrei patogèns (Toxoplasma gondii, Mycobacterium avium, Pneumocystis jirovecii...) ò, associat amb la pirimetamina, per prevenir lo paludisme dins lei regions ont lo parisit es resistent a la cloroquina. Seis efiechs segondaris pus importants son de causar una anemia.