Molecula

Un article de Wikipèdia, l'enciclopèdia liura.
Anar a : navigacion, Recercar
exemple de tèxte
Dimensions de la molecula d'aiga.
Representacion d'una molecula d'aiga
Molecula d'oxigèn (O2)

En quimia, la molecula es la part mai petita d'un compausat pur que manten las proprietats quimicas e fisicas caracteristicas d'aquel compausat. Una molecula es formada per dos atòms o mai units per un ligam quimic - i a de substàncias que son pas formadas per de moleculas, coma per exemple los metaus o los gases nòbles-.

Una proprietat importanta de tota molecula es la siá formula moleculara, que nos ditz quant d'atòms de cada element i a, dins lo cas d'un compausat o simplament lo total d'atòms dins lo cas d'un element. Per exemple, l'aiga (H2O), es formada per 2 atòms d'idrogèn (H) e un d'oxigèn (O). Las moleculas d'oxigèn atmosferic son formadas per dos atòms d'oxigèn (O).

Encara que lo concèpte de la molecula foguèsse introdusit en 1811 per Avogadro, l'existéncia de moleculas foguèt discutida per la comunautat scientifica fins al trabalh de Perrin en 1911.

Tipes de ligams dins las moleculas[modificar | modificar la font]

Nuvola apps download manager2-70%.svg Article principal : Ligam quimic.

Dins las moleculas, se pòt imaginar que los parelhs electronics partejats mantenon units los atòms entre els. Aqueste ligam lo nomenam ligam covalent. En dependre de la diferéncia d'electronegativitat entre los atòms, lo ligam serà purament covalent, o presentarà una cèrta polaritat o contribucion ionica.

Las moleculas rarament se trapan sens interaccion entre elas, exceptats los gases rars. Aital, se pòdon trapar en filats cristallins, coma lo cas de las moleculas de H2O dins lo glaç o amb d'interaccions intensas mas que càmbian rapidament de direccion, coma dins l'aiga liquida. L'estudi de las interaccions especificas entre las moleculas, en inclusent la reconeissença moleculara es lo camp d'estudi de la quimia supramoleculara. Aquestas fòrças son fondamentalas per de proprietats coma la solubilitat o lo ponch d'ebullicion. Qualques unas d'entre elas, per òrdre descreissent d'intensitat, son: