Corporacion Catalana de Mejans Audiovisuaus
| Corporacion Catalana de Mejans Audiovisuaus Corporació Catalana de Mitjans Audiovisuals | |
 | |
| Donadas | |
|---|---|
| Tipe | Corporacion audiovisuau |
| Creacion | 30 mai 1983 |
| País | Espanha  |
| Activitat | |
| Directora | Rosa Romà |
| Lenga utilizada | Catalan e occitan aranés |
| Site web | https://www.ccma.cat/ |
 | |
Era Corporacion Catalana de Mejans Audiovisuaus[1] (en catalan: Corporació Catalana de Mitjans Audiovisuals, abracat CCMA) ei un organisme dera Generalitat de Catalonha encargat de produsir e difóner productes audiovisuaus en catalan e occitan aranés damb er objectiu dera normalizacion lingüistica e culturau de Catalonha. Siguec creada en mai de 1983 peth Parlament de Catalonha damb eth nòm de Corporacion Catalana de Ràdio e Television[2] (Corporació Catalana de Ràdio i Televisió, abracat CCRTV).
Era corporacion[modificar | Modificar lo còdi]
Era Corporacion Catalana de Mejans Audiovisuaus dividís es sòns servicis en tres divisions: era Television de Catalonha (servicis audiovisuaus), eth Grop d'Emissores de Catalonha Ràdio (servicis ràdio) e es Mejans Digitaus (contenguts audiovisuaus en Internet). Les dues enterpreses auien estat separades enquiath dia 15 de noveme de 2013, moment que se fusionèren en ua sòla.[3]
Era corporacion aufrís eth consum des sòns productes audiovisuaus mejançant eth sòn portau web, de diuèrses cadees, e mejançant diuèrses aplicacions entàs telefonets e entàs televisions. Ath delà, aufrís tanben contengudi especifics emetudi solament entà mejans digitaus (eths podcasts dera Catalonha Ràdio, e programes de television disponibles solament ena plataforma 3Cat e sus YouTube), e a preséncia as hilats sociaus. Fin finau, tanben aufrís eth sòn servici de teletèxte.[4]
Era sua sedença se tròbe ena vila de Sant Joan Despí.
Dempús deth 2022, era presidenta n'ei Rosa Romà. Dempús de seteme de 2023, emplegue eth nòm 3Cat.[5]
Finançament[modificar | Modificar lo còdi]
Eth modèl de finançament dera CCMA ei mixte. Es recorsi economics provien principauments des pressupòsti dera Generalitat de Catalonha e d'ingrèssi publicitaris.[6] Es pressupòsti deth 2017 prevederen un totau de 307.244.100 € d'ingrèssi. 231M € prevengueren deth Departament dera Presidéncia dera Generalitat de Catalonha, 68,2M € de publicitat e quasi 8M € d'auti.[7] D'aguesta manèra, mès de tres quataus deth finançament dera CCMA provien deth govèrn catalan.
Ligams extèrnes[modificar | Modificar lo còdi]
Nòtas e referéncias[modificar | Modificar lo còdi]
- ↑ https://ctti.gencat.cat/oc/ctti/estructura-organitzativa/
- ↑ https://llengua.gencat.cat/oc/occita/20_marc_legau/
- ↑ https://www.ccma.cat/324/televisio-de-catalunya-i-catalunya-radio-es-fusionen-en-una-societat-unica-aquest-divendres/noticia/2217773/
- ↑ https://www.ccma.cat/corporatiu/ca/oferta-audiovisual/mitjans-digitals/
- ↑ https://www.ccma.cat/premsa/comencem-tv3-i-catradio-estrenen-una-temporada-plena-de-novetats-i-amb-clara-vocacio-multiplataforma/nota-de-premsa/3247577/
- ↑ https://statics.ccma.cat/multimedia/pdf/3/4/1494245587143.pdf
- ↑ http://statics.ccma.cat/multimedia/pdf/3/6/1477387182563.pdf