Cançon de Rotland
|
||||||||||||
|---|---|---|---|---|---|---|---|---|---|---|---|---|
 |
Wikimedia Commons prepausa de documents multimèdia liures sus Cançon de Rotland. | |||||||||||
La Cançon de Rotland (var. la Chançon de Rotland) es un poèma epic medieval qu'a una version en occitan e una autra en francés.
Somari |
Lo Rotland occitan [modificar]
Existís una version en occitan que son manuscrit es parcialament desaparegut mas que daissa mantun tèxte coma Rotland a Saragossa e Ronçasvals [1] e de testimoniatges dins d'autres documents medievals.
Lo Rotland francés [modificar]
Existís tanben una version en francés, pro celèbra, de divèrses milièrs de vèrses, escricha a la fin del sègle XI en francés ancian, atribuida a un monge normand, Turold, que son nom apareis dins lo darrièr e enigmatic vèrs: "Ci falt la geste que Turoldus declinet". Ça que la, la significacion de decliner dins aqueste vèrs es pas clara: pòt significar "compausar" o benlèu "transcriure", "copiar". Es la Cançon de gèsta pus anciana d'Euròpa. Lo tèxt de l'apelat Manuscrit d'Oxford escrich en anglonormand (cap a 1170) es constituit de 4002 vèrses decassillabs, distribuits en 291 estròfas de longors diferentas.
Las Cançons de gèsta [modificar]
Las Cançons de gèsta son de poèmas escriches per èsser recitats en public, amb una o mai d'una melodia simpla. Lo mot latin gesta significa "fachs soslinhats". Son, doncas, de fachs memorables, eroïcs. França e Espanha an una importanta tradicion epica medievala. Coma totas las Cançons de gèsta, la Cançon de Rotland es anonima.
Nòtas [modificar]
- ↑ Gerard GOIRAN & Robert LAFONT (1991) = Gérard GOUIRAN & Robèrt LAFONT Le Roland occitan, París: Christian Bourgois
