Batalha de Solebay
La batalha de Solebay foguèt un combat navau que se debanèt lo 7 de junh de 1672 durant la Guèrra d'Olanda. Foguèt la consequéncia d'una ataca d'una flòta olandesa (75 naviris) dirigida per Michiel de Ruyter còntra una flòta francoanglesa (93 naviris) ancorada a Solebay sus la costat èst d'Anglatèrra. S'acabèt per una victòria olandesa qu'empachèt la flòta aliada de sostenir l'ataca terrèstra francesa còntra lei Províncias Unidas e permetèt ansin de protegir Amsterdam transformada en illa per la dubertura dei restancas. Leis Olandés perdiguèron dos naviris (un aprefondat e un capturat) e leis Anglés un (aprefondat).