Basacle

Un article de Wikipèdia, l'enciclopèdia liura.
Anar a : navigacion, Recercar
La levada del Basacle

Lo Basacle es un sit toristic e istoric de Nauta Garona situat a Tolosa sus Garona (levada del Basacle).

Istòria[modificar | modificar la font]

De tot temps, los òmes an traversat Garona pel basacle, mena de ga accessible a pè. Lo tèrme ven del latin vadaculum que vòl dire « pichon ga ». Se tròba al punt d'alentiment del corrent, aprèp lo cambiament de direccion del flume. La nautor febla de las aigas permetèt la construccion del primièr pont sus Garona a Tolosa.

En 1190, amb l'autorizacion del comte Raimon V de Tolosa, una paissièra apelada tanben levada del Basacle foguèt construcha amb de molins novèls; lo finançament d'aqueste complèxe e mai los fraisses d'entretenement e de foncionament foguèron assegurats per una associacion de senhors.

Los beneficis èran repartits entre accionaris segon lo nombre de parts en lor possession; pauc a pauc aquelas parts s’escambiavan entre senhors sul mercat de Tolosa, lors corses variavan en foncion del rendement dels molins.

Lo Basacle venguèt atal la primièra societat per accions dins l'istòria del mond.

Es dempuèi 1888 que los molins del Bazacle venguèron progressivament productors d’electricitat e en 1946 proprietat d'EDF.

Panorama del Basacle de Tolosa dempuèi lo Musèu dels Tuadors

Actual[modificar | modificar la font]

Lo Basacle abrita totjorn una centrala idroelectrica en activitat dins una partida dels bastiments.

L'autra partida es doberta al public e se visita, dins la visita se veu tanben la passa de peisses

Lo Basacle aculhís tanben de mòstras temporàrias tot lo long de l'an segon los programas.


Galariá[modificar | modificar la font]

Ligams extèrnes[modificar | modificar la font]