Òrt

Un òrt

Un òrt

Un òrt (del latin: hortus = jardin) o casau gasc. es un terren cultivat e irrigat de dimensions pro redusidas consacrat subretot a la cultura de l'ortalissa.

Caracteristicas de  basa

La tèrra de l'òrt tradicional es una matèria organica ( entre lo 3 e 10%), mercés als fems e  engrais verds que s'espandís per la tèrra e es mai intensament laurada. Dins los luòcs amb un clima pro temperat la tèrra de l'òrt es totjorn ocupada per unas plantas mejans la rotacion de las culturas. L'asagatge se fa per gravitacion, aspersion, gota a gota, cinta d'exsudacion o dins òrts fòrça pichon amb marga o asagadors. Dins los òrts pichons la mecanizacion es rara, pel mai se laura amb un motocultor, mas dins los ortas dels païses desvolopats es intensa.

Las tecnicas per forçar las produccions (obténer d'aliments fòra de sason) son desvolopadas dins los òrts dempuèi fa de centenats d'ans. Levat lo cas de las sèrras s'emplegan, entre autras tecnicas, tunèls de plastics e, de mens en mens, las mai tradicionalas laganhas veiradas.

Los òrts cultivan en agricultura convencionala (amb agroquimia), agricultura integrada o ecologica. Aquela darrièra tecnica dins de superfícias pichonas pòt far concurréncia amb avantage en comparason dels autres tipes d'agricultura, donc que las tecnicas alternativas de contraròtle de plagas e malautiás qu'utiliza an aquí un rendiment economic màger.

Òrt familial

Òrt familial amb lachugas rojas e beletas verdas a Castelltallat

L'òrt familhal es una partida complementària d'una espleitacion agricòla o d'eletge e tanben se considèran d'òrts familhals aqueles que se n'ocupan las personas passionandas s'agricultura e qu'an pas d'espleitacion agricòla ligada. Aqueles tipes d'òrt se consacra al autoconsumacion e la comercializacion dels produchs d'aquela se fa per escasença e es de mendre importància. Fin finala, mai que tot a causa de l'escala pichona aqueles òrts son deficitaris economicament

Òrt educatiu

L'òrt educatiu es destinat al enfants. Se bastís mai sovent en un terren près de l'escòla qu'aja un sòl adequat o sus terren bastit (enquitranat, encimentat eca.) amb de tèrra o de substrat apondut.

Òrt urban

Òrt urban dins un quartièr marginal de Guayaquil

Tanben existisson d'òrts urbans situats en vilas, pòdon èsser de pichonas parcèlas, en plena tèrra, de proprietat municipala que logadas individualament. D'iniciativas publicas e privadas dins los païses en desvolopament promòvon al benefici de las familhas de recorses economics pauras qu'an abitualament los òrts dins lo lor ostal. Un concèpte comercial d'òrt urban se fa referéncia a las tecnicas amb un substrat e asagatge gota a gota dins de contienedors adequats.