Zhejiangopterus linhaiensis

Un article de Wikipèdia, l'enciclopèdia liura.
Salta a la navegació Salta a la cerca
Zhejiangopterus siguec un pterosaure dera familha de Azhdarchidae que demorèc pendent eth cretacèu superior.

Zhejiangopterus siguec un reptil volador escantit, apartenhent ara familha des pterosaures. Demorèc pendent eth cretacèu superior (Santonian, hè 85 milions d'ans). Es sues rèstes sigueren trapades en China.

Descripcion[modificar | modificar la font]

Ère un animal de granes dimensions (es ales dubertes hèien 5 m) e avia ues ales membranoses coma toti es pterosaures evolucionats. Ère desparièr de plan d'autes pterosaures deth cretacèu en er hèt qu¡et sòn cran non avia nat cresta mès ère long e sobtil. Eth sòn bèc ère ponchut e es maishères avien pas dents. Er horat nasal e era hiestra antorbital èren amasssats en un solet horat que s'espandia a trauers de tot eth cran. Eth còth ère hòrt e long e avia set vertèbres cervicals longues e leugières. Er uas umer ère cuert e robust, damb ua cresta deltopectoral plan ponchuda mentres qu'eth femur ère long e sobtil.

Classament[modificar | modificar la font]

Siguec descrit per prumèr còp en 1994. Zhejiangopterus siguec classat, de prumèr, coma dera familha d'America del Nòrd de Nyctosaurus. Dempús, es estudis hèts confermaren qu'aguest animal apertenhia melhor ara familha des Azhdarchidae qu'includiva es pterosaures de granes mesures. Aué Zhejiangopterus ei considerat coma eth melhor azhdarchid conservat.

Bibliografia[modificar | modificar la font]

· Cai, Z., and Wei, F. (1994). "On a new pterosaur (Zhejiangopterus linhaiensis gen. et sp. nov.) from Upper Cretaceous in Linhai, Zhejiang, China." Vertebrata Palasiatica, 32: 181-194.