William Frame
William Frame (Melksham, Wiltshire, 1848 – Cardiff, 1 d'abril de 1906) foguèt un arquitècte anglés.[1] Èra originari del comtat anglés de Wiltshire,[2] e trabalhèt amb William Smith de Trowbridge,[1] abans de venir l'assistent de John Prichard de Llandaff.[1] En 1868, dintrèt dins l'entrepresa de William Burges e trabalhèt amb aqueste al Castèl de Cardiff e al Castèl Coch.[1] Aprèp la mòrt de Burges en 1881, Frame demorèt al servici de John Crichton-Stuart, 3en Marqués de Bute e contunhèt l'òbra de Burges dins totes dos castèls, e a l'encòp realizèt lo Pierhead Building dins los docks construches pel paire de Bute. Durant aqueles ans sas realizacions foguèron premiadas amb la medalha d'aur de l'Acadèmia Reiala e lo Medalhon Soane.[1]
Se moriguèt l'1 d'abril de 1906, per encausa de l'alcoolisme qu'aviá impregnat los darrièrs ans de sa vida.[1] Sa femna, Mary Ann Henrietta defuntèt qualques ans mai tard, lo 23 de març de 1914.