Wikipèdia:Guida dels admins/Proteccion
Las demandas de proteccion se classan en doas categorias : 1) la lucha contra lo vandalisme, que demanda una semiproteccion e 2) las guèrras d'edicion, que demandan una proteccion totala.
La semiproteccion es pas de prendre a la leugièra. Contrària a l'esperit Wiki, se deu utilizar unicament quand los vandalismes d'IP son frequents sus una pagina, e de biais durable dins lo temps. Cal ensajar periodicament de levar la semiproteccion, de biais que siá pas en plaça quand es pas pus necessària. La mesa en plaça de la proteccion serà seguida de l'aposicion del bendèl {{semiproteccion}} sus la pagina.
La proteccion totala en cas de conflicte se deu far sistematicament sus la darrièra version de la pagina, per tal de demorar neutre (es pas a un administrator d'impausar lo contengut que li agrada). La mesa en plaça de la proteccion serà seguida de l'aposicion d'un bendèl {{proteccion}} sus la pagina.
I a un autre cas de proteccion : quand un contributor s'obstina a tornar crear una pagina qu'a pas de rason d'existir. Dins aqueste cas, se suprimís un darrièr còp la pagina, puèi se va dins Wikipèdia:Paginas protegidas a la creacion e puèi dins la sospagina del mes en cors, s'i ajusta {{Títol protegit}} pel foncionament del modèl) amb lo nom de l'article en primièr paramètre. Cal far atencion, çaquelà: aqueste metòde pòt conduire a l'aparicion d'articles dels noms fòrt vesins per contornar l'interdiccion d'editar.