Wikipèdia:Citacion e reütilizacion del contengut de Wikipèdia
Wikipèdia es concebuda per èsser reütilizada e difusada : es çò que ne fa una enciclopèdia « liura ». Mas aquesta reütilizacion se deu far en seguissent las règlas de la licéncia GFDL. Aquesta pagina descriu los divèrses biaisses de reütilizar lo contengut de Wikipèdia.
Remarca preliminara importanta Wikimedia Foundation, albergaire de Wikipèdia, deten pas de dreches suls tèxtes e imatges enciclopedics qu'albèrga (a l'excepcion de sos lògos pròpris). En consequéncia, pòt pas balhar d'autorizacion de reproduccion. Es doncas inutil d'escriure a las adreças de contacte de Wikipèdia per demandar una autorizacion de reproduccion (en defòra de cases fòrça particulars, coma lo lògo Wikipèdia, protegit pel drech d'autor e lo drech de las marcas).
Bibliografia
[Modificar lo còdi]Per una simpla referéncia a un article de Wikipèdia dins una bibliografia, vos podètz inspirar dels modèls que trobaretz en clicant sul ligam « citar aqueste article » dins la boita d'espleches (se trobant dins lo marge esquèrre de cada article, s'avètz pas modificat l'aparéncia de la pagina).
Citacion corta
[Modificar lo còdi]Dins lo quadre del drech de citacion corta, sètz pas obligat de vos sometre a totas las obligacions de la licéncia GFDL : vos sufís de mencionar l'autor e la font.
Las obligacions de la licéncia GFDL son en revenge de rigor per
- las còpias integralas ;
- las citacions longas ;
- las citacions que son pas fachas (França : Còde de la proprietat Intellectuala article 122-5).
Reütilizacion del contengut de Wikipèdia en defòra de la citacion corta autorizada per la lei
[Modificar lo còdi]Nòta : Wikipèdia dona pas de conselh legal. Formalament, cada article aparten a son o sos autors e es mes a disposicion del public segon las condicions de la licéncia GNU FDL. La màger part dels images e autres mèdia son tanben cobèrts per una o mantuna licéncia mencionadas sus la pagina de descripcion del medium. Vejatz tanben Wikipèdia:copyright.
Las modalitats practicas de respectar son las seguentas ; vos conselham de vos reportar al tèxte de la GFDL e a las convencions bibliograficas en vigor dins vòstre país per reütilizar lo contengut de Wikipèdia :
Reütilizar de tèxte
[Modificar lo còdi]Lo contengut textual de Wikipèdia es jos GNU FDL, licéncia liura que permet una reütilizacion gratuita d'aqueste, en respectant las condicions seguentas :
Avertiment
[Modificar lo còdi]Avís ! Los articles 1, 4 e 7 de la GFDL se devon estudiar de prèp per tota reütilizacion del contengut de Wikipèdia. Conven d'establir abans tota reproduccion d'una partida de Wikipèdia s'aquesta reproduccion constituís un document (article 4) que la reproduccion del contengut de Wikipèdia i es integrada, o un agregat (article 7). Dins lo primièr cas, la totalitat de vòstre obratge/publicacion/sit Web se deurà plaçar jos GFDL. Dins lo segond, se poirà plaçar en partida jos GFDL, tre que la partida jos GFDL es identificada e constituís una partida independenta de l'obratge, de la publicacion o del sit.
Sus un sit Web
[Modificar lo còdi]Se desiratz utilizar tot o partida d'un article de Wikipèdia sus vòstre sit Web, devètz :
- mencionar sos autors, per exemple en donant un iperligam sus l'istoric de l'article dins Wikipèdia ;
- mencionar e donar accès a la licéncia de documentacion liura GNU, per exemple amb un ligam cap al tèxte d'aquesta http://www.gnu.org/copyleft/fdl.html ;
- se modificatz l'article, podètz vos ajustar a la lista dels autors, mas l'ensemble deu demorar disponible jos la licéncia de documentacion liura GNU.
Exemple :
| FALS-TÈXTE |
| Lorem ipsum dolor sit amet, consectetuer adipiscing elit. Morbi faucibus enim quis tortor. Praesent ante nisi, mattis eu, gravida in, sodales a, erat. Phasellus non enim id ipsum rutrum auctor. Integer vel justo. Praesent at est ut tellus bibendum hendrerit. |
| En imprimeriá, lo fals-tèxte permet d'emplenar de paginas al moment d'una mesa en forma per ne calibrar lo contengut en l'abséncia del tèxte definitiu. Generalament, s'utiliza un tèxte en fals latin (lo tèxte vòl pas dire res, qu'es estat modificat), lo Lorem ipsum o Lipsum que permet doncas de far ofici de tèxte d'espèra. L'avantatge de lo metre en latin, es que l'operator sap al primièr còp d'uèlh que la pagina contenent aquestas linhas es pas valida, mas sustot que l'atencion del client es pas destorbada pel contengut e que demòra concentrat solament sus l'aspècte grafic. |
| © Copyright autor(s) de Wikipèdia - Font : article Fals-tèxte sus Wikipèdia - Aqueste article es jos licéncia GFDL |
Sus un supòrt papièr
[Modificar lo còdi]Se volètz utilizar tot o partida d'un article de Wikipèdia sus un supòrt papièr, devètz :
- mencionar sos autors ; se deu mencionar los autors principals; aquò se pòt far en annèxe, o en pè de pagina sus de tèxtes amb pauc d'autors ;
- Donar l'URL de l'article s'aquò es necessari per obténer la lista complèta dels autors.
- mencionar lo fach que lo tèxte reütilizat es jos GFDL (Licéncia de documentacion liura GNU) e reproduire lo tèxte d'aquesta en entièr dins vòstra publicacion (en annèxa per exemple).
Exemple
| FALS-TÈXTE |
| Lorem ipsum dolor sit amet, consectetuer adipiscing elit. Morbi faucibus enim quis tortor. Praesent ante nisi, mattis eu, gravida in, sodales a, erat. Phasellus non enim id ipsum rutrum auctor. Integer vel justo. Praesent at est ut tellus bibendum hendrerit. |
| En imprimeriá, lo fals-tèxte permet d'emplenar de paginas al moment d'una mesa en forma per ne calibrar lo contengut en l'abséncia del tèxte definitiu. Generalament, s'utiliza un tèxte en fals latin (lo tèxte vòl pas dire res, qu'es estat modificat), lo Lorem ipsum o Lipsum que permet doncas de far ofici de tèxte d'espèra. L'avantatge de lo metre en latin, es que l'operator sap al primièr còp d'uèlh que la pagina contenent aquestas linhas es pas valida, mas sustot que l'atension del client es pas destorbada pel contengut e que demòra concentrat solament sus l'aspècte grafic. |
| Autors : Céréales Killer, Treanna - per una lista exaustiva dels autors, vejatz l'annèxa. Font : Wikipèdia - Fals-tèxte (http://fr.wikipedia.org/wiki/Fals-tèxte). Aqueste article es jos licéncia GFDL (vejatz lo tèxte de la licéncia en annèxa) |
Reütilizar un imatge o un fichièr multimèdia
[Modificar lo còdi]Los fichièrs multimèdia disponibles sus Wikipèdia son publicats jos de licéncias que son pròprias a cada fichièr. Per una reütilizacion d'aquestes, reportatz-vos a las informacions de licéncia detalhadas sus cada fichièr. Las informacions de licéncia son disponiblas sus la pagina de descripcion de cada fichièr. Cèrts fichièrs multimèdia son dirèctament importats de nòstra banca de donadas comuna Wikimèdia Commons. Aqueste estat de fach es indicat sus la pagina d'informacion del fichièr concernit ; un ligam vèrs las informacions de licéncia es provesit per cada fichièr.
Cada licéncia possedís sas pròprias condicions de reütilizacion : mercé de seguir los ligams indicats sus la pagina d'informacion per saber cossí reütilizar los fichièrs.
Demest las licéncias utilizadas pels fichièrs multimèdia, se tròba en particular :
- GFDL (las modalitats de reütilizacion son las meteissas que pel tèxte)
- Licéncias Creative Commons (vejatz lo sit oficial de Creative Commons per las informacions de reütilizacion)
- Domeni public : los fichièrs dins lo domeni public se pòdon reütilizar sens condicion.
Aquesta lista es pas exaustiva. Per veire mai de licéncias, vejatz aquesta pagina.
Es possible que las condicions de licéncia aplicablas a un imatge (o autre contengut multimèdia) vos convengan pas. Per realizar pas de contrafaiçon, vos caldrà eventualament obténer una autorizacion personalizada de l'autor del contengut, qu'es normalament indicat jos l'imatge. Aqueste pòt fòrça plan vos monedar una tala autorizacion.
Cossí establir la lista dels autors d'un article
[Modificar lo còdi]Sufís de clicar sus l'onglet "Istoric" en naut de cada pagina, puèi de seguir lo ligam "Obténer la lista dels autors" que dona una lista alfabetica de totes los autors d’aquesta pagina.
L'esplech Contributors permet d'obténer la lista dels autors, classats per nombre de contribucions.
Lista de sites utilizant de ressorsas wikipèdia
[Modificar lo còdi]Cossí senhalar un cas de non respècte de las informacions de licéncia de Wikipèdia
[Modificar lo còdi]Pòt èsser que de sites reprengan lo contengut de Wikipèdia sens precisar lor font. Dins aquestes cases, conven de portar a l'atencion de lor webmèstre las informacions de far figurar sus lors sites per respondre a las exigéncias de la GFDL e de las licéncias apropriadas.
Se trobatz un sit que se confòrma pas a las informacions de licéncia, podètz avertir los autors principals de l'article de Wikipèdia en consultant l'istoric, o escriure vos-meteis als proprietaris del sit en question.
Trobaretz sus aquesta pagina : Wikipèdia:Messatge estandard de violacion de la GFDL un modèl de corrièr de mandar als sites utilizant de contengut de l'enciclopèdia Wikipèdia, e que respèctan pas las règlas de la GFDL.
Demandas per reütilizacion del contengut del sit
[Modificar lo còdi]Se respectatz las indicacions provesidas çai sus, avètz pas besonh d'autorizacion especifica per reütilizar lo contengut de Wikipèdia.
Contactes
[Modificar lo còdi]Consultatz la pagina Contacte.