Von Ahnska magasinet

Un article de Wikipèdia, l'enciclopèdia liura.
Salta a la navegació Salta a la cerca
La part mai longa de l'entrepaus von Ahnska

Lo von Ahnska magasinet es un entrepaus portuari situat dins la vila suedesa d'Umeå a la broa del flum Ume. Lo bastiment situat dins la carrièra principala de la localitat, Storgatan, èra abans una bòria de fusta construcha pel luoctenent coronèl Ludwig August von Hedenberg en 1887. L'edifici subrevisquèt a l'incendi de 1888 que destrusiguèt una bèla part de la vila d'Umeå.

Durant aquel meteis an, un mercadièr, Johan Viktor von Ahn, que donèt puèi son nom a l'edifici, crompèt la bòria per la transformar e l'espandir gradualament fins qu'arribèsse al flum.

Actualament lo bastiment, que dintrèt en 1980 dins la categoria dels monuments istorics del país, es la proprietat de la companhiá electrica locala, Umeå Energi, que sa sedença principala se tròba entre l'entrepaus von Ahnska e Gamla bankhuset.