Vigili (papa)

Un article de Wikipèdia, l'enciclopèdia liura.
Salta a la navegació Salta a la cerca
Retrach dau papa Vigili dins la Basilica de Sant Pau Fòra lei Muralhas.

Vigili (vèrs la fin dau sègle V - 7 de junh de 555) foguèt lo 59en papa de la Glèisa Catolica Romana de 537 au 7 de junh de 555. Succediguèt a Silvèri (536-537) e foguèt remplaçat per Pelagi Ièr (556-561).

Diague roman, foguèt designat per lo papa Bonifaci II (530-532) mai sa nominacion foguèt contestada per lo clergat de la vila e finalament annulada. Tornarmai elegit après la deposicion de Silvèri en 537, lo començament de son pontificat foguèt tocat per la Guèrra dei Gòts. Pasmesns, l'afaire pus important de son rèine acomencèt en 544 quand l'emperaire bizantin Justinian condamnèt lei « Tres Capítols », ensems de tèxtes nestorians assaiant de reglar lei desacòrdis entre lei Glèisas Occidentala e Orientala. En fàcia dau maucontentament dei Occidentaus, deis Orientaus e dei Nestorians, Justinian decidèt d'utilizar la fòrça. Ordonèt de menar per fòrça Vigili a Constantinòble. Ailà, foguèt obligat de signar lei tèsis imperialas entraïnant lèu la colèra dau clergat orientau e de demorar en Constantinòble pendent nòu annadas. Quand foguèt finalament autorizat de tornar, moriguèt dins lo temps dau viatge.

Liames intèrnes[modificar | modificar la font]

Bibliografia[modificar | modificar la font]

Nòtas e referéncias[modificar | modificar la font]