Vau Gaudemar
La Vau Gaudemar o Lo Gaudemar[1] es una vau aupenca dau Daufinat, apelada localament la valeia, situaa au centre dau massís daus Escrinhs, que lo trescòl es la barra daus Escrinhs (4 102 m). D'origina glaciària, estrecha e encaissaa, es dominaa per de soms mitics coma l'Olan (3 564 m) o los Bans (3 669 m). Es una de las grandas vaus dau massís coma la vau dau Veneon, la Vau Loïsa e dau Vaujofrei. Foguèt cavaa per la Severaissa, aiga venguda daus glacièrs, longa de 33 km.
Los abitants an lo nom de valés.