Vatnajökull
Vatnajökull es la pus granda calòta glaciària d'Islàndia. Es lo segond glacièr pus voluminós d'Euròpa après la calòta glaciària de l'illa Severny e lo segond pus vast d'Euròpa après Austfonna. Situat dins lo sud-èst d'Islàndia, es entièrament enclaus dins lo pargue nacional de Vatnajökull.
Toponimia
[modificar | modificar lo còdi]En islandés, vatna es lo genitiu plural de vatn, significant « lac » mas tanben « aiga » ; jökull significa « glacièr ». Vatnajökull significa aital « lo glacièr dels lacs » o « lo glacièr de las aigas » ; lo tèrme se pronóncia [ˈvaʰtnaˌjœːkʏtl̥] en islandés.
Geografia
[modificar | modificar lo còdi]
D'une superfícia de 7 700 km2 (2017) e s'estendent sus 143 quilomètres d'èst e oèst, Vatnajökull cobrís 8 % de la superfícia d'Islàndia[1]. Son espessor maximala es de 950 mètres e son volum es d'aperaquí 3 000 km3 (2017) çò que correspond a un jaç de glaça de 30 centimètres d'espessor despartida sus l'ensemble del país o encara a una elevacion d'un centimètre del nivèl de la mar se aquela fondiá entièrament[1]. Son pés de 3 000 milions de tonas entraina en son centre un enfonçament de la crosta terrèstra d'una amplitud d'una centena de mètres[1]. Mai d'un volcans son situats jos lo glacièr, que d'unes son actius coma Öræfajökull, al sud, qu'inclutz lo trescòl d'Islàndia, o Kverkfjöll, al nòrd, o encara Grímsvötn e Bárðarbunga, al nòrd-oèst, recobèrts per de lacs sos-glaciaris[1]. Son responsables de jökulhlaups, d'aigats brutals provocats per la fonda de la glaça.
- ↑ 1,0 1,1 1,2 et 1,3 «Modèl:Anglés». vatnajokulsthjodgardur.is.