Valentin Molliens

Fotografia dau monument dei mòrts de Poix de Picardie.

Valentin Charles Molliens (24 de febrier de 1868, Argoeuves - 13 de febrier de 1937, Longpré-lès-Amiens) es un escultor francés que trabalhèt subretot a Amians e dins lo departament de Somme. Èra lo fiu de Salomon Molliens, que trabalhava ja dins l'escultura, e de Caroline Blan. Comencèt seis estudis e sa carriera a l'Escòla deis Arts d'Amiens. Puei, installèt son obrador a Longpré.

Entre seis òbras principalas, se pòdon citar unei tombas (coma aquela de son fiu Robert) dins lei cementèris de Longpré, de Petit-Saint-Jean o d'Amiens. A l'acomençaça dau sègle XX, realizèt l'estatua de Robert de Luzarches situada sus la façada de l'ostau neogotica de l'arquitecta Edmond Douillet en fàcia de la catedrala d'Amiens. Foguèt tanben l'autor de la façada de l'ostau dau marbrier Marcel Sueur dins la carriera Saint-Maurice. Après la Premiera Guèrra Mondiala, realizèt lei monuments dei mòrts dei vilas de Breuil, Thézy-Glimont, d'Etalon, de Poix de Picardie, dau Quesnel e de la glèisa de Longpré-lès-Amiens.

Bibliografia

• Raymonde Gillmann, Biographie de Valentin Mollien in Le Courrier picard 15 de setembre 1993.
• Dominique et Jean-Étienne Guerrini, La Somme à ses enfants, Itinéraires du Patrimoine.