Teodòr lo Lector
Teodòr lo Lector foguèt un clerc e un istorian bizantin dau sègle VI qu'ocupèt lo pòste de legeire dins la Catedrala de Santa Sofia.
Sa vida es desconeguda. Foguèt l'autor de dos obratges istorics importants dei premiers sègles de la literatura bizantina. Lo premier es una cronica eclesiastica dicha Historia Tripartita qu'estudia e compara lei trabalhs sus lo subjècte de tres istorians majors dau sègle V (Sozomèn, Teodoret de Cir e Sòcrates Escolàstic). La segonda es egalament una cronica dicha Historia Ecclesiastica qu'es la seguida de sa premiera òbra e que conta leis eveniments liats a la vida de la Glèisa de 440 a 527. Perduda, aquela segonda òbra es coneguda gràcias a d'extrachs citats per mai d'un autor ulterior coma Joan Damascèn.