Telecomunicacions

Un article de Wikipèdia, l'enciclopèdia liura.
Anar a : navigacion, Recercar

Las telecomunicacions son la comunicacion a distància per de mejans tecnologics, en particular per de senhals electrics o de radiacions electromagneticas. Las telecomunicacions son una infraestructura basica del contèxte actual. La capacitat de poder comunicar qual que siá òrdre militar o politic d'un biais gaireben instantanèu foguèt primordiala dins nombroses eveniments istorics de l'Edat Contemporanèu. Mas en mai, la telecomunicacion constituís uèi lo jorn un factor social e economic de granda importància. Aital, aquestas tecnologias an un ròtle primordial dins la globalizacion o la societat de l'informacion; e a travèrs d'aquò dins mantun tipes d'activitat mercantilas, financièras, o borsària.

La telecomunicacion inclutz divèrsas tecnologias coma la ràdio, television, telefòn e telefonia mobila, comunicacions de donadas, rets informaticas o Internet. Granda part d'aquestas tecnologias, que naissèron per satisfar de necessitats militaras o scientificas, se son convertidas dins lo sector de la consomacion en tecnologias de l'informacion e de la comunicacion, d'una granda importància dins la vida jornalièra de las personas, de las entrepresas e de las institucions estatalas e politicas.