Tegenaria atrica
Tegenaria atrica (ò tegenària negra, tegenària deis ostaus, tegenària giganta) es una espècia d'aranha de la familha deis Agelenidae que son airau de difusion cubrís la quasi totalitat d'Euròpa. Es una gròssa aranha que son còrs aganta 12-18 mm en lei femèlas e 10-15 mm en lei mascles. Ambé sei patas, son diamètre passa aisament 10 cm. Es de color sorna ambé doas bendas claras sus lei costats dau cefalotorax e un abdomèn ambé de tacas claras. Es una aranha discrèta que viu dins leis endrechs umids coma lo dessot dei ròcas. Es fòrça frequenta dins leis ostaus ont ataca totei leis artropòds pus pichons qu'ela.