Taüt

Un article de Wikipèdia, l'enciclopèdia liura.
Taüt
Recreacion del taüt del President Abraham Lincoln al National Museum of Funera History, a Houston, al Texas.

Un taüt o un ataüt (var. gas. (a)tahut, (a)tahuc) (de l'arabi التبوت , at-tābūt; «tirador», «còfre»), una caissa (var. gasc. caisha), una arca o un còfre/cròfe (gasc.) o encara una bèra o un bahuch (gasc.) es un recipient alongat per depausar lo còrs o despolha d'un mòrt, usualment pendent las ceremònias funeràrias e durant la siá inhumació (substituida per un viatge en vaissèl funerari en cèrtas culturas) o incineracion. Lo taüt, se s'entèrra, en fòrça culturas se depausa en la tomba.[1]

Caracteristicas[modificar | Modificar lo còdi]

Los materials per confeccionar un taüt son fòrça divèrses (acièr, plom...), en essent la fusta çò de mès de frequent (e en qualques cultes, lo sol permés). Se compausa de la caissa e la tapadoira, que pòt èsser entièra, practicable (per se dobrir per la mitat del còrs) o amb un veire, de sòrta que se pòsca veire la cara e una part del còrs del mòrt, a la demanda dels familiars (mas aquela visibilitat es pas abituala dins fòrça païses, coma Catalonha). Exteriorment pòt conténer ornaments (coma una crotz) gravats o plaçats a la tapadoira e los costats. Pendent los enterraments, se pòt cobrir de coronas de flors, bendas o bandièras, per exemple a las funeralhas pels soldats.

La forma mai usuala es rectangulara, encara que n'i a de mièg exagonals a la partida del cap. Istoricament, i a agut taüts cilíndrics, ont lo mòrt se plaçava depès, coma als enterraments medievals de qualques regions japonesas. Dins lo taüt modernament se met una folradura.[2]

Lo taüt dins la cultura[modificar | Modificar lo còdi]

Coma un simbòl de la mòrt, apareis en nombrosas òbras que tractan aquela, e en filmes d'horror amb personatges com lo vampir, qu'usa en fach lo taüt coma lo sieu jaç per poder dormir de jorn e escapar a la lutz solara. Pòt èsser present a pinturas que remembran la fugacitat de la vida.

En qualques varietats del tarot (coma la version popularizada per la francesa del sègle XIX Madame Lenormand), apareis una carta qu'a dessenhat un taüt e indica la fin d'una estapa vitala considerabla aital coma lo patiment propvenent. S'apareis amb autras cartas que fan allusion a cambiaments, indica l'urgéncia de far de cambiaments.

Lo taüt apareis al temple maçonic dins las salas o zònas de reflexion, al cant d'autres simbòls de la mòrt coma l'esqueleta.

Referéncias[modificar | Modificar lo còdi]

Suls autres projèctes Wikimèdia :

  1. Catalans també a la tomba, El País, 29 d'octubre de 2014
  2. Taüt a la tanatopèdia Altima