Tasca (Regim Ancian)

Pels articles omonims, vejatz Tasca (omonimia).

Jol Regim Ancian, la tasca (var. tascha) o lo garbatge o lo terratge èra un impòst senhoral, levat en natura, proporcional a la culhida, qu'oscillava de 1/12 a 1/6. Se levava aprèp lo dèime degut al clergat.

Lo beneficiari es apelat « tascaire » o « garbatjaire ».

Aquel levament èra efectuat pel senhor sus las tèrras roturièras en cultiu, plan sovent sus las cerealas (pus aisadas de conservar), en mejana una garba sus uèch.

A partir del sègle XVI, foguèt sovent convertit en cens: un pagament reduch, mas en argent, e particularament dins l'Illa de França. De tascas en natura perdurèron ça que la entrò la Revolucion, per exemple en Borgonha.