Surrealisme
Lo surrealisme (del francés surréalisme) es lo movement d'avantgarda mai important del periòde de l'entre doas guèrras, e fòrça possiblament lo dels mai influents de totes eles. Foguèt creat en 1924 a partir del Manifèst surrealista d'André Breton, lo seu guida esperital.
Definisson
[modificar | Modificar lo còdi]André Breton definís lo surrealisme coma « automatisme psiquic pur, per lo qual se propause d'exprimir, siá de boca, siá per escrich, sià de tot autre biais, lo foncionament real de la pensada. Dictada de la pensada, dins l'abséncia de tot contraròtle exercit per la rason, fòra de tota preocupacion estetica o morala ». « Lo surrealisme repausa sus la cresença dins la realitat superiora de cèrtas formas d'associacions negligidas fins a ele, dins l'omnipoténcia del somi, al jòc desenteressat de la pensada. Tend a arroïnar definitivament tots los autres mecanismes psiquics e a se substituir a eles dins la resolucion dels principals problèmas de la vida [...]
Evolucion
[modificar | Modificar lo còdi]Lo surrealisme explòra de novèlas tecnicas de creacion que daissan lo camp liure a l'inconscient e fòrça la desinibicion dels condicionaments: escritura automatica, recits dictat pendent lo somi forçat, cadavres requits, sollicitacion de l'azard objectiu. Lo movement balha a sas produccions literàrias e plasticas, l'estatut d'experimentacion scientifica.