Solnitsata
Solnitsata es una vila neolitica situada dins la region actuala de Provadia, dins lo nòrd-èst de Bulgaria. Es considerada coma una dei premierei vilas dau continent europèu en causa de l'organizacion de son abitat, de sei fortificacions e de son economia centrada sus la produccion de sau. Pasmens, sa populacion, de l'òrdre de 350 estatjants, èra encara limitada e lei dimensions complètas de la zòna fortificada, 110 × 110 m, son egalament feblas. Conoguèt son apogèu entre 4700 e 4200 avC gràcias au comèrci dau sau dins lei Balcans. D'objèctes d'aur semblan d'indicar una certana prosperitat, probablament en liame amb aquela activitat. La vila foguèt probablament destrucha per un tèrratrem e abandonada.
Liames intèrnes
[modificar | Modificar lo còdi]Bibliografia
[modificar | Modificar lo còdi]- (en) Vassil Nikolov, « The prehistoric salt-production and urban center of Provadia-Solnitsata, Northeastern Bulgaria », Méditerranée, n° 126, 2016, pp. 71-78.
- (en) Boyko Ranguelov e Vassil Nikolov, « Ancient earthquake data extraction by archeological findings », EGU General Assembly 2010, 2-7 de mai de 2010.