Sixte II

Un article de Wikipèdia, l'enciclopèdia liura.
Sauter à la navigation Sauter à la recherche
Representacion dau papa Sixte II a la fin dau sègle XVI.

Sixte II (mòrt lo 6 d'aost de 258) foguèt lo 24en evesque de Roma dau 31 d'aost de 257 au 6 d'aost de 258. Succediguèt a Luci Ièr (254-257) e foguèt remplaçat per Dionisi (259-268).

Originari de Grècia, melhorèt ò restaurèt lei relacions ambé lei glèisas crestianas dei províncias africanas e orientalas de l'Empèri menaçadas per l'autoritarisme de son predecessor dins lo reglament de la crisi dei crestians apostats creadas per lei persecucions ordonadas per l'emperaire Deci en 249-250. Aquela politica foguèt ajudada per lei persecucions novèlas ordonadas per l'emperaire Valerian que favorizèt una solidaritat novèla entre lei grops crestians diferents. Escondut dins lei catacombas, Sixte II foguèt capturat e executat per de soudats romans lo 6 d'aost de 258.