Simeon Ièr lo Grand

Sagèu de Simeon I^èr.

Simeon I^èr (864 ò 865 - 27 de mai de 927, Preslav) foguèt un khan bulgar que reinèt de 893 a 927. Succediguèt a son fraire Vladimir (889-893) e foguèt remplaçat per son fiu Pèire I^èr (927-969).

Intrèt en guèrra còntra lei Bizantins tre lo començament de son rèine en causa de problemas comerciaus. Venceire, impausèt un important tribut annuau a Constantinòble. Après aqueu succès, comencèt una lònga campanha d'afebliment de l'Empèri Bizantin en vista de conquistar la capitala imperiala. En 913, la menacèt dirèctament e lo patriarca acceptèt de lo coronar rèi (basileus) dei Bulgars e de lo maridar amb una filha de l'emperaire Constantin VII Porfirogènit (913-959). Pasmens, lei Bizantins refusèron aquelei condicions e, en despiech d'una importanta victòria de Simeon en 917, contunièron d'atacar lei Bulgars per lo mejan de seis aliats. Aquò permetèt a Simeon de prendre lo contraròtle de Serbia en 924. Dins aquò, foguèt durament batut per lei Croats en 926.

Liames intèrnes

• Constantinòble.
• Empèri Bizantin.
• Khanat Bulgar.

Bibliografia

• (fr) G. Sergheraert, Symeon le Grand (893-927), París, Maisonneuve, 1960, 198 p.