Silvèstre Ier

Representacion dau papa Silvèstre I^èr tuant un drac e ressucitant sei victimas.

Silvèstre I^èr foguèt lo 33^en papa de la Glèisa Catolica Romana dau 31 de genier de 314 au 31 de decembre de 335. Succediguèt a Eusèbi (311-314) e fuguèt remplaçat per Marc (genier - octòbre de 336).

Maugrat un pontificat lòng, son autoritat fuguèt eclipsada per la de l'emperaire Constantin. En particular, participèt pas au sinòde d'Arle (314) ni au concili de Nicèa (325) reünit a l'iniciativa imperiala. Pasmens, son periòde fuguèt marcat per la bastida d'unei monuments crestians importants coma la Glèisa dau Sant Sepulcre de Jerusalèm ò lei basilicas de Sant Joan de Latran e de Sant Pèire de Roma e tanben per l'establiment de l'autoritat de la Glèisa sus la comunautat crestiana.

En fòra de son òbra eventuala au sen de la Glèisa, lo papa Silvèstre I^èr es tanben considerat l'autor d'unei miracles coma una victòria còntra un drac ò la resureccion d'un buòu.