Sextant

Un article de Wikipèdia, l'enciclopèdia liura.
Fotografia d'un sextant.

Un sextant es un instrument de navegacion permetent de mesurar la distància angulara entre dos ponchs. Es principalament utilizat per mesurar l'autor angulara d'un astre au dessüs de la linha d'ozizont, çò que permet au navegaire de determinar sa posicion. Generalament, l'astre chausit es lo Soleu au zenit e lo resultat es comparat amb una taula de calcul de la latitud. Es egalament possible d'utilizar un sextant per mesurar la distància angulara entre ponchs orizontaus.

Lo sextant modèrne foguèt inventat dins lo corrent deis ans 1730 per John Hadley (1682-1744) e per Thomas Godfrey (1704-1749) que concebèron d'instruments similars d'un biais independent. A respècte de l'astrolabi, lo sextant permetiá de mesuras pus precisas e èra pus aisat d'utilizar. D'efiech, lo sextant permet de mesurar l'angle entre dos ponchs d'un còp mentre que l'astrolabi necessita plusors operacions.

Uei, lo sextant es mens utilizat en causa dau desvolopament dei sistèmas de posicionament per satellit que son pus rapids e pus precís. Pasmens, demòra en dotacion dins mai d'un sector (aeronautica, marina... etc.) coma segond mejan de mesura.

Liames intèrnes[modificar | Modificar lo còdi]

Bibliografia[modificar | Modificar lo còdi]

Nòtas e referéncias[modificar | Modificar lo còdi]