Sergent

Un article de Wikipèdia, l'enciclopèdia liura.
Salta a la navegació Salta a la cerca
Ensenha de sergent dins l'Armada de Tèrra francesa.

Sergent es un reng militar de sos-oficier qu'es generalament situat, dins leis armadas modèrnas, entre lei rengs de caporau e aquelei d'adjudant. Sei missions tradicionalas son de comandar un grop de combat (generalament 8 a 12 òmes) ò de servir d'adjonch a un oficier (luòctenent o capitani). Lei sergents modèrnes ocupan donc una posicion fondamentala dins l'organizacion de mai d'una armada modèrna car se tròban a la joncion entre leis òmes dau reng e leis oficiers.

Istoricament, lo tèrme « sergent » es aparegut durant l'Edat Mejana per designar de soudats permanents qu'èran au servici de chivaliers o d'autoritats localas (vilas, abadiás, corporacions...). Au combat, èran cargats de remplaçar lei chivaliers o de dirigir de grops de combatents mens experimentats. Puei, au sègle XVI, l'armada francesa utilizèt de « sergents de batalha » destinats a organizar lo desplegament de l'armada avans una batalha. Aquò prefigura son ròtle actuau que prenguèt pauc a pauc sa forma dins lo corrent dau sègle XVII

Liames intèrnes[modificar | modificar la font]

Bibliografia[modificar | modificar la font]

Nòtas e referéncias[modificar | modificar la font]