Seccion Femenina

Un article de Wikipèdia, l'enciclopèdia liura.
Salta a la navegació Salta a la cerca

La Seccion Femenina (en castelhan : Sección Femenina) que ho ua organizacion d'extrèma dreta d'embrigadament de las hemnas espanhòlas durant la Segonda Republica Espanhòla, fondada en 1934.

Que ho fondada per Pilar Primo de Rivera, la sòr de José Antonio Primo de Rivera (lo fondator de la Falange e ambs hilhs deu dictator Miguel Primo de Rivera.

Durant lo conflicte, lo prètzhèit de la Seccion Femenina que ho l'ajuda aus herits e a las molhers deus combatents de Francisco Franco, rebellats contra l'òrdi constitucionau.

Arron, que's virè de cap ua organizacion ideologica d'embrigadament de las hemnas, vodada a las "apréner" a estar esposas de las "bonas" segon los sons critèris : mantiéner l'ostau e educar los mainatges en acòrd dab los principis ideologics deu franquisme. Istoricament, que's trobè Isabèl la Catolica e Santa Terèsa de Jèsus com modèls de hemna.