Scatha

Scatha foguèt un long vèrme legendàri de las Montanhas Grisas, creat per J.R.R Tolkien. Es brica coneguda la sieuna istòria franc la sieuna mòrt a mans de Fram pendent los primièrs jorns dels Éothéod, ancessors dels Cavalièrs de Rohan. Lo sòn nòm auriá coma origina lo nòm Anglo-Saxon sceaða, que vòl dire persona marrida, criminala, raubaira e assassina. Aprés aucir Scatha, lo tresaur del drac foguèt discutit (la sieuna proprietat finala) per de nans de la region. Fram, brica d'acòrd amb aquel revendicacion dels nans, los envièt las dents d'Scatha amb un missatge que desiá "De jòièls coma aqueles pòdon pas dintrar dins lo vòstre tresaur pr'amor que cal far un grand esfòrç per los conquistar". Aquò entraïnèt la sieuna mòrt a mans dels nans. Los Éothéod poguèron, ça que la, conquistar una part d'aquel tresaur e lo menèron amb eles quora se n'anèron fins a Rohan. Demest las pèças i aviá un còrne d'argent qu'Éowyn balhèt a Merry Brandybuck aprés la Guèrra de l'Anèl, un còrne amb una granda valor a l'ora d'explorar la Comarca.