Scaphognathus

Un article de Wikipèdia, l'enciclopèdia liura.
Salta a la navegació Salta a la cerca
Es dus prumèrs fossils trapats deth pterosaure 'Scaphognathus provenien des caucinoses de Solnhoffen, un lòc famós pes sues trobalhes paleontologiques.

Eth genre Scaphognathus (maissa de tube) ei conegut sonque per dus fossils trapats dens caucinoses de Solnhofen. Eth prumèr ère un des pterosaures mès ancians e siguec dejà descrit en 1831 peth professor de Bonn August Goldfuss. Coma que era region dera coa auia pas suberviscut, Goldfuss pensèc qu'ère un pterodactylus qu'aperèc Pterodactylus crassirostris.

Era trobalha ère trapada en Eïchstatt. Eth dusau fossil d'Scaphogntahus prevenia des caucinoses de Solnhofen en Mülheim, proche de Solnhoffen. Aguest óc qu'auia era longa coa e açò voliá díder qu'eth genre podiá éster classat dens des pterosaures de longa coa, es Rhamphorhynchoidea.

Eth fossil de Mülheim ère era meitat de gran qu'eth d'Eïchstatt. Eh petit grad d'uassificacion en eth fossil mès petit conferma qu'ère un animal joen que moriguèc auans qu'aguesse creishut. Ambdús fossils èren dera madeisha espècie.

Scaphognathus auia un cran mès solide e cuert que Rhamphoryncus. Es sues dents èren 18 ena maissa superior e 10 ena superior e èren pas entà deuant mès èren plan nautes ena maissa. Es parts dera maissa acabauen pas amassa mès proches coma en un gabarròt e d'aciu eth nom.

Es henestres preorbitals tamben son mès granes qu'es de Rhamphorhyncus. Eth Scahognathus joen auia un ala de 50 cm e er adult de 90 cm. Scaphogntahus auia ues proporcions deth cos regulars e ua coa longa, açò darrèr en comun damb Rhamphorhynchus mès eth sòn cap ère un shinshau mès cuert e es puntes dera maissa mens ponchudes.

Hònt: The illustrated Directory of dinosaurs and Other Prehistoric Creatures, Greenwich Editions, 2005.