Salman Khan (entrepreneire)

Un article de Wikipèdia, l'enciclopèdia liura.
Anar a : navigacion, Recercar
Salman Khan en 2011

Salman Amin 'Sal' Khan (en bengalin: সালমান খান; Nòva Orleans, 11 d'octobre de 1976) es un engenhaire informatic, entrepreneire e educador american d'origina bengalina e indiana. Es lo fondador de la Khan Academy, un organisme de tòca non-lucrativa que porgís l'accès en linha a una plateforma educativa gratuïta. Khan realizèt aital, dempuèi lo burèu de l'otal, mai de 4.000 vidèos que presentan un granda varietat de subjèctes academics, centrats principalament sus las matematicas e las sciéncias.

En 2012, la revista americana Time marquèt Salman Khan dins sa Time 100, sa lista annadièra de las 100 personas mai influentas del mond.

Biografia[modificar | modificar la font]

Salman Khan nasquèt a Nòva Orleans en 1976 dins una familha d'immigrants venguts del sud d'Asia, son paire venguèt de Barisal, Bangladèsh, e sa maire de Kolkata, la capitala de l'estat indian de Bengal occidental. Cresquèt e estudièt a Nòva Orleans, anèt a l'escòla a Grace King dins lo barrie de Metairie. Aprèp qu'obtenguèt de bachilierats de matematicas e informatica, anèt a l'universitat e i faguèt una mestresa en informatica a l'Institut de Tecnologia de Massachusetts (MIT) e un MBA de l'Escòla de Comerç d'Harvard.