Rutili Namacian

Claudius Rutilius Namatianus, mai conegut jol nom de Rutili Namacian, foguèt un poèta e òme politic galloroman de la Narbonesa que foguèt praefectus urbi, es a dire prefècte de Roma entre mai e setembre de 414.

Galloroman pagan vivent al temps que las Gàllias subissián las invasions germanicas (e subretot las dels Visigòts) e inquiet d'aquesta situacion, Rutili entreprenguèt, mentre que se'n tornava de Roma en Gàllia en 417, d'escriure un grand poèma al laus de la civilizacion romana : aqueste, la seuna òbra màger, se sona De reditu suo (Sul viatge de retorn).