Rurikidas
Lei Rurikidas son una dinastia d'Euròpa Orientala d'origina vikinga. Fondatritz de la Rus' de Kiev, venguèt lo centre d'un important Estat medievau e aguèt un ròtle major dins lo cristianizacion de la region. A respècte deis autrei dinastias europèas dau periòde, aguèt un sistèma de succession originau fondat sus un sistèma de rotacion dei pretendents au tròne que cambiavan regularament de fèu en foncion de l'evolucion de la ierarquia dei successors dau Grand Prince de Kiev. Ansin, au començament de sa « carriera », un prince rurikida èra nomat a la tèsta d'un principat alunchat. Puei, abandonava son fèu au profiech d'un autre pus important ò pus pròche de la capitala. Après la desintegracion de la Rus' dins lo corrent de la segonda mitat dau sègle XII, aqueu sistèma permetèt a la dinastia de gardar lo contraròtle dei principats venguts independents.
Aquela fragmentacion donèt naissença a plusors dinastias localas. La pus importanta es aquela dau Principat de Vladimir que foguèt a l'origina dau Principat de Moscòu, l'Estat precursor de Russia, en 1283. I gardèt lo poder fins a la mòrt dau tsar Fedor Ièr en 1598.
Liames intèrnes[modificar | Modificar lo còdi]
Bibliografia[modificar | Modificar lo còdi]
- (fr) Nicolas de Baumgarten, Généalogies et mariages occidentaux des Rurikides russes du Xe au XIIIe siècle, Pontificium Institutum Orientalium Studiorum, 1927.