Rugbi de XV feminin
Lo rugbi de XV feminin seguís exactament las meteissas règlas que lo rugbi de XV practicat pels òmes. Per contra, ten son istòria pròpia per rason de las numerosas temptativas masculinas per exclure las femnas del juòc. Anuèit, lo rugby de XV feminin es malurosament luènh de possedir lo meteis estatut que son omològue masculin.
Istòria
[modificar | Modificar lo còdi]
A la seguida del reviscòl del rugbi de XV feminin que debutèt dins las annadas 1980, la disciplina poguèt organizar de competicions calcadas subre lo modèl masculin amb de campionats nacionals, d'espròvas internacionalas, regionalas e mondialas jogadas per d'equipas nacionalas. En Euròpa, aquel movement es enquadrat per las federacions nacionalas, mentre qu'als Estats Units es l'espòrt escolar que fai possible aquela evolucion. Amb una basa de jogairas fòrca numerosa de plusors milierats de practicantas, èra plan logic de veire emergir una equipa estasunidenca de primièra importança que ganhèt puèi la primièra Copa del monde en 1991 (non oficiala). Calguèt esperar la tresena Copa del monde de 1998 per que siá reconeguda per l'International Rugby Board.
L'Euròpa e l'Australasia non demorèron pas inactivas, e decidiguèron d'aplicar los meteisses esquèmas qu'aqueles seguits pels pacticants masculins. Es coma aquò que las federacions botèron en plaça de competicions nacionalas e que lo nivèl s'enaucèt pauc a cha pauc, fins a l'integracion d'equipas femininas dins lors seleccions nacionalas. L'Anglatèrra (venceira de las Copas del monde de 1994 e 2014, campiona d'Euròpa amb onze Grands Chelèms en Torneg de las Sièis Nacions) e mai que mai la Nòva-Zelàndia (cinc còps campiona del monde) dominèron lo rugbi de XV feminin d'aquela darrièra decennia. Tanben lo Canadà en America del Nòrd, o la França en Euròpa, fan bona figura.
Per çò dels clubs, los campionats nacionals mancan de mejans e exisís pas ges de competicion subre-nacionala coma lo Super 14 o la Copa d'Euròpa.
Fotografias
[modificar | Modificar lo còdi]
_vs._USA_Rugby_South_All-Stars.jpg)
