Rolls-Royce plc

Un article de Wikipèdia, l'enciclopèdia liura.
Salta a la navegació Salta a la cerca

Rolls-Royce Holdings plc[1] es lo segond fabricant mondial de motors d'avion darrièr General Electric Aircraft Engines e un dels grands fornidors de motorizacion per naus.

Rolls Royce foguèt nacionalizat en 1971, la division aerospaciala essent dempuèi longtemps la pus importanta del grop. La division automobila foguèt destacada del grop en 1973 e venguèt Rolls-Royce Motors, e Rolls-Royce plc foguèt privatizada en 1987. Rolls-Royce es al segond reng mondial dels fabricants de motors d'avion militars. En 2004, las vendas militaras representavan 23 % de las vendas totalas, l'aerospacial civil 51 %, l'activitat marina 16 % e l'activitat energia 8 %.

En 2008, l'entrepresa comptava 40 200 emplegats al total, que 8 000 per Rolls-Royce Marine. Èran repartits geograficament coma seguís:

  • Grand-Bretanha : 23 300 (12 000 a Derby)
  • America del Nòrd : 8 300
  • Alemanha : 3 000 (1 800 a Dahlewitz près de Berlin, e 1 200 a Oberursel près de Francfòrt de Men)
  • Païses nordics : 3 400
  • Asia : 700
  • Rest del mond : 1 500

Nòtas[modificar | modificar la font]

  1. Plc = Public Limited Company.