Renée Lafont

Un article de Wikipèdia, l'enciclopèdia liura.
Salta a la navegació Salta a la cerca

Renée Charlotte Amélie Lafont (Amians, 4 de novémer de 1877-Còrdoa, 1èr de seteme de 1936) qu'ei ua hemna de letras e traductritz picarda, d'origina occitana, assassinada au començament de la Guèrra civiu espanhòu.

Carrèra literària e jornalistica[modificar | modificar la font]

Que vasó a Amians, hilha d'un professor de letras classicas de las arradics bearnesas (los Lafont que son de Salias, los Birabent de Sauvatèrra), qu'avó ua licéncia de letras abans de publicar lo son purmèr roman, L'Appel de la mer, en 1910. Que publica après Les Forçats de la volupté, en çò d'Albin Michel en 1924.

La soa carrèra literària qu'estó sustot virada cap a la traduccion.Qu'èra ua de las miélhers especialistas d'Espanha. En 1913 qu'ei cargada de la rubrica "America ispanica" dens la revista Parthénon. Que vadó la traductora de l'escrivan Vicente Blasco Ibanez, en particular l'assai Çò qui serà la Republica espanhòu (1925).Au començament de las annadas 1930, que s'engatja en politica, a esquèrra, interessada qu'ei per la Republica espanhòu. Que rejonh la 5au seccion de la SFIO de París.

Guèrra civiu espanhòu[modificar | modificar la font]

Qu'estó enviada tà reportatge en Espanha per lo journau socialista le Populaire. Que segueish los combats a l'entorn de Còrdoa a un moment qui lo hront n'ei pas enquèra fixat. Lo 29 d'agost de 1936, qu'ei capturada per milicians nacionalistas en Las Cumbres de Alcolea. Que passa davant ua cort marciau, condemnada a mort e fusilhada lo 1èr de seteme de 1936, a Arroyo del Moro. Lo son còrs qu'estó trobat en 2017 dens ua hòssa comuna.