Reiaume de D'mt

Un article de Wikipèdia, l'enciclopèdia liura.
Anar a : navigacion, Recercar
Fotografia dau temple de Yeha qu'es lo vestigi arqueologic pus important dau Reiaume de D'mt.

Lo Reiaume de D'mt es un reiaume antic dau nòrd d'Etiopia aparegut vèrs la fin dau sègle IX av. JC. Sembla èsser l'estat pus ancian de l'Istòria d'Etiopia. Es mau conegut en causa de l'abséncia de vestigis arqueologics.

Localizat a l'entorn de la vila de Yeha, qu'èra probablament sa capitala, lo Reiaume de D'mt sembla aver desvolopat de relacions bònas ambé lo Reiaume de Saba situat en Iemèn. De debats existisson entre istorians per determinar la natura indigèna ò iemenita dau reiaume. Pasmens, dins totei lei cas, i a acòrd per reconóisser l'importància de l'influéncia de Saba sus son organizacion. Au nivèu tecnologic, D'mt desvolopèt l'utilizacion de l'araire, creèt un ret d'aigatge e inventèt d'otís e d'armas de fèrre pròprias. Sa disparicion es generalament datada dau sègle V av. JC mai lei rasons e lo debanament de sa disparicion son desconeguts. Après son afondrament, foguèt remplaçat per de principats mens importants fins a l'emergéncia dau Reiaume d'Aksum au sègle I av. JC.

Liames intèrnes[modificar | modificar la font]

Bibliografia[modificar | modificar la font]

Nòtas e referéncias[modificar | modificar la font]