Rashad al-Alimi
Rashad Muhammad al-Alimi (nascut en 1954) es un òme politic iemenita, vengut, coma president del conselh de direccion presidenciala, cap de l'estat lo 7 d'abril de 2022.
Biografia
[modificar | Modificar lo còdi]Nascut en 1954 a Al-Alom, un vilatge del governorat de Taïz, es lo filh del jutge Mohammed ben Ali al-Alimi. Diplomat a l'escòla superiora Gamal Abdel Nasser de Sanaa en 1969, obtenguèt una licéncia en sciéncias militaras a l'escòla superiora de Polícia de Kuwait en 1975, e un autre diplòma universitari en arts a l'Universitat de Sanaa en 1977, puèi un master e un doctorat en sociologia a l'Universitat Ain Shams en Egipte entre 1984 e 1988.
Membre del Congrès General del Pòble, foguèt Ministre de l'Interior de 2001 a 2008. Venguèt alara President del Comitat Suprèm de Seguretat e Vice-Primièr Ministre encargat de la Defensa e de la Seguretat en mai de 2008, puèi membre de la Conferéncia Nacionala del Dialòg Iemenita, e finalament conselhièr del President Abdrabbuh Mansur Hadi en 2014.
Nafrat durant la batalha de Sanaa, lo 3 de junh de 2011, foguèt sonhat en Arabia Saudita e en Alemanha, abans de tornar a Sanaa lo 13 de junh de 2012. Tornèt quitar la vila a causa de la presa de poder dels Houthi al Iemèn e visquèt en Arabia Saudita a partir de 2015 abans de venir president del conselh de direccion presidenciala lo 7 d'abril de 2022.