Qüartet Weller

Lo Qüartet Weller (en alemand, Weller-Quartett) es un qüartet de còrdas austriac, e especialament vienés, fondat en 1958 e que se separèt en 1971 .

Istòria

Walter Weller, que en 1961 venguèt violon solo de l'Orquèstra filarmonica de Viena, fondèt son qüartet en 1958, qu'aviá 19 ans; los autres participants èran tanben sòcis dels Wiener Philharmoniker. En 1959, lo qüartet ganhèt lo concors internacional de qüartet de còrdas de Munic, que sa jurada compreniá los qüartets Amadeus, Beethoven e Végh, e lo Quartetto Italiano. Aprèp un tal succès, los concèrts se multipliquèron per tota l'Euròpa, l'America e l'Asia.

Las obligacions ligadas al trabalh a l'orquèstra limitavan las possibilitats per las repeticions. Se fasián sovent lo ser tard, aprèp las representacions a l'Operà d'Estat. Walter Weller comencèt en 1966 son activitat de cap d'orquèstra e, del mai preniá d'importància, del mai sa carrièra d'instrumentista veniá segondària. Finiguèt que, en 1971, lo Weller-Quartett se dissolguèt .

Composicion

Primièr violon

• Walter Weller, nascut lo 30 de novembre de 1939 a Viena (Austria) , mòrt tanben a Viena lo 14 de junh de 2015

Segond violon

• Alfred Staar, nascut a Viena (Austria) lo 2 de junh de 1938 , mòrt lo 28 d'abril de 2000 (a Trenta, val de la Soča, o Isonzo, Eslovènia ?)

Alto

• Helmut Weis, nascut lo 20 de junh de 1937 a Viena (Austria)

Violoncèl

• Ludwig Beinl, nascut lo 7 de julhet de 1928 a Viena (Austria), e mòrt lo 3 de març de 2011

puèi

• Robert Scheiwein nascut lo 26 de mai de 1935 a Viena, ont moriguèt lo 29 de julhet de 2011