Qüartet Kocian

Lo Qüartet Kocian, en chèc Kocianovo kvarteto, es un qüartet de còrdas chèc del sègle XX, fondat en 1972. Son primièr nom èra Novèl Qüartet de Còrdas (traduccion de Nové smyčcové kvarteto) e l'ensemble compreniá tres musicians de l'Orquèstra Simfonic de Praga e Pravoslav Kohout . Se tornèt batejar Qüartet Kocian en 1975, d'après lo nom del violonista Jaroslav Kocian (1883-1950 .

Composicion

Los musicians d'origina èran Pravoslav Kohout, (1èr violon), Jan Odstrčil (2nd violon), Jiří Najnar (alto), Václav Bernášek (violoncèl). En 1975, Pavel Hůla (23 de genièr 1952 - 7 de decembre 2021) prenguèt la plaça de primièr violon.

Dempuèi 2001 (segon un article de 2009), la composicion es : Pavel Hůla (1èr violon), Miloš Černý (2nd violon), Zbyněk Paďourek (alto) e Václav Bernášek (violoncèl) . Après que l'altista dels Kocian arrestèt, en 2010, Pavel Hůla remplacèt Václav Remeš en tant que primièr violon del qüartet Pražák . Las informacions mancan per actualizar l'article, mès se pòt que'l Qüartet Kocian siá ara una formacion del passat.

Ligams extèrnes

• https://web.archive.org/web/20120723080951/http://www.concerts-prague.cz/Kocian/index.html
• https://web.archive.org/web/20200604232023/https://www.ceskyhudebnislovnik.cz/slovnik/index.php?option=com_mdictionary&task=record.record_detail&id=5646 (16 de febrièr 2009)