Pulsar

Un article de Wikipèdia, l'enciclopèdia liura.
Anar a : navigacion, Recercar
Representacion artistica d'un pulsar que trai de la matèria d'una estela pròche.

Un pulsar es un objècte astronomic que produtz un senhal periodic comprés entre una millisegonda e qualques desenas de segondas. Seriá una estela de neutrons virant lèu lèu sus se meteissa (periòde tipic de l'òrdre de la segonda, vèire fòrça mens per los pulsars millisegonda) e emetent un fòrt raionamement electromagnetic dins la direccion de son axe magnetic.

Le nom de pulsar ven del fach qu'a sa descobèrta, aqueles objèctes son estat d'en primièr interpretats coma essent d'estelas variablas sujetas a de pulsacions fòrças rapidas. Pulsar es l'abreviacion de pulsating radio source (radiofont pulsanta). Aquela ipotèsi s'es lèu revelada erronèa, mas lo nom es demorat.

Lo primièr pulsar foguèt observat lo 28 de novembre de 1967, per Jocelyn Bell Burnell e Antony Hewish.[1][2][3]

Referéncias[modificar | modificar la font]

  1. Pranab Ghosh, Rotation and accretion powered pulsars. World Scientific, 2007, p.2.
  2. M. S. Longair, Our evolving universe. CUP Archive, 1996, p.72.
  3. M. S. Longair, High energy astrophysics, Volume 2. Cambridge University Press, 1994, p.99.