Representacion de Cram

Molecula de metan dens la representacion de cram dab dus ligams carbòni-idrogèn suu plan deu frineston de l'ordenador, un virtuaument en darrèr (en perspectiva hueitive e en putilhats) e l'aute en devant (en perspectiva hueitive plea)

La representacion de Cram, dita deu canton volant (de l'anglés flying edge) qu'ei un biais de representar au mens un atòm d'ua molecula en tres dimensions en bèth simbolizar l'adobament dens l'espaci deus sons ligams dab d'autes atòms.

Lo principi de la representacion de Cram qu'ei de simbolizar au meian de duas linhas simplas dus deu quates ligams (lo qui son suu plan de la huelha o de la paja) ; los dus autes ligams que sorteishen donc virtuaument d'aqueth plan, un en davant (aqueth ligam qu'ei alavetz simbolizat per ua linha plea en perspectiva hueitiva) e l'aute en darrèr (egaument representat en perspectiva mes per ua linha hueitiva puntilhada).

Representacion de Cram muishant l'orientacion dens l'espaci deus diferents grops ligats dab un carbòni

Qu'ei mei que mei emplegada entà representar la disposicion deus quate ligams en forma de tetraèdre d'un carbòni de quate ligams. Quan los quate grops quimics ligats au carbòni be son tot diferents, lo carbòni qu'ei dit assimetric e pas sonque la representacion deu canton volant be permet de tradúser correctament suu plan l'estructura geometrica de la molecula e diferenciar atau dus estereoisomèrs. Qu'ei donc de grana importància en estereoquimia.