Premiera batalha de Changsha
La premiera batalha de Changsha se debanèt dins lo corrent de la Segonda Guèrra Mondiala dau 17 de setembre au 6 d'octòbre de 1939. Foguèt la consequéncia d'una ofensiva japonesa còntra la vila qu'èra una crosiera estrategica en China Centrala. Ja destrucha per de bombardaments japonés e d'incendis volontaris chinés dins l'encastre de la tactica de tèrra cremada adoptada per Chiang Kai-shek, la ciutat foguèt defenduda per lei tropas republicanas chinesas que capitèt de rebutar leis atacas advèrsas. Puei, fins au 10 d'octòbre, una tiera d'incursions permetèt ai Chinés de reconquistar divèrsei territòris dins lei províncias vesinas.
Cada camp perdiguèt aperaquí 40 000 òmes durant la batalha.