Ponç de Trípol

Lo sagèl de Ponç de Trípol

Ponç de Tolosa (cap a 1096 † 1137) es un comte de Trípol de 1112 a 1137 e filh de Bertran de Tolosa e d'Elena de Borgonha.

Biografia

Ven comte a l'atge de 15 ans, a la mòrt de son paire, e la succession pausa pas de problèma. Per apasimar la rivalitat amb Antiòquia, esposa la veusa de Tancrèd de Hauteville, Cecília de França. En 1118, a la mòrt del rei Baudoïn I^r, se reconeis vassal de son successor, lo rei Baudoïn II. L’emperaire de Bizanci Alèxis Ièr Comnèn morís la meteissa annada, e los francs devon ara far fàcia a un Islam que s’organiza e cèrca de s’unificar, jos la direccion de Zengi, atabeg de Mòssol e d'Alèp. Aquel darrièr cèrca de dominar lo califat, situat a Bagdad, abans d’unificar la Siria musulmana e d’atacar los crosats, çò que daissa un respièch a aquestes darrièrs.

Una guèrra d'usura* s’installa fins a 1135, quand Zengi passa a l’ofensiva contra Antiòquia. Repren un grand nombre de vilas de la principautat, puèi envadís lo comtat de Trípol. Ponç l’espèra al Mont Pelegrin. La batalha es liurada en març de 1137 e demòra indecisa, quand Ponç es fach prisonièr per d'òmes de Zengi qu'an penetrat dins sa tenda. Liurat a l’atabeg, es immediatament executat.

Maridatge e enfants

Esposa a Trípol en 1115 Cecília de França († aprèp 1145), veusa de Tancrèd de Hauteville, prince d'Antiòquia, filha de Felip I^r, rei de França e de Bertrada de Montfòrt. D'aquel maridatge naisson :

• Raimon II (v. 1120 † 1152), comte de Trípol,
• Felip, citaté en 1126 e en 1142,
• Agnès (v. 1120 † 1183), maridada a Renaud II, senhor de Marqab.

Precedit per	Ponç de Trípol	Seguit per
Bertran	comte de Trípol 1112-1137	Raimon II

Annèxes

Bibliografia

• Jean-Luc Déjean. Les comtes de Toulouse (1050-1250). Fayard. ISBN 2-213-02188-0. 
• Foundation for Medieval Genealogy : Los comtes de Trípol