Politica sociala

Una persona morala coma l'Estat, l'Euròpa o una collectivitat territoriala pòu declinar sa politica sociala dins mai d'un domeni. La nocion de politica sociala evoluissèt dins lo corrent de l'istòria e si desvolopa diferentament segon la collectivitat que l'utiliza per son accion sociala.

En França, l'idèia de politica sociala s'associá emé la politica publica que si liá emé la proteccion sociala (seguretat sociala, assisténcia sociala). Si referís au concèpte d'Estat dau benèstre. Pasmens lei politicas socialas preexistisson a l'Estat dau benèstre. Aquest, l'institucionalizèron l'endeman de la Segonda Guèrra Mondiala dins lei país industrializats, pendent que lei politicas socialas naissèron en Anglatèrra au sègle XVI, sota la forma de caritat impausada per l'Estat.