Plaqueta presentacion

Pel document

Los projèctes de Wikimedia Foundation

Wikipèdia Enciclopèdia liura Wikipèdia es un projècte d'enciclopèdia liura, universala e multilingüa. Tendent vèrs la neutralitat e escricha d'un biais collaboratiu sus Internet gràcias a la tecnologia wiki, es venguda lo pus grand recuèlh de coneissenças accessiblas publicament e modificablas. http://oc.Wikipedia.org

Wikibooks Tèxtes pedagogics liures Wikibooks es un projècte que permet de constituir un fons de libres electronics a l'atencion d'un public estudiant, coma d'obratges, de manuals o de libres tombats dins lo domeni public e annotats. Aqueste projècte vòl sosténer l'accès al saber dels estudiants e dels professors, del collègi a l'universitat. http://fr.wikibooks.org

Wikispecies Inventari del vivent Wikispecies es un projècte que sa tòca es de repertoriar l'integralitat de las espècias vivas. http://species.Wikimedia.org

Wikimedia Commons Mediatèca numerica Wikimedia Commons es una mediatèca en linha que servís de repertòri de fichièrs multimèdia jos licéncia liura. Fotografias, dessenhs, esquèmas, musicas, animacions e vidèos i son legalament utilizables per totes e per tot usatge, subretot per l'ensemble dels projèctes Wikimedia. http://commons.Wikimedia.org

Wikiquote Recuèlh de citacions liure Wikiquote es un projècte de repertòri de citacions que provenon de personas celèbras, d'obratges, de discorses, de filmes o d'autres contenguts intellectualament interessants. Wikiquote conten tanben de provèrbis, de mejans mnemotecnics e d'eslogans. http://fr.wikiquote.org

Wikinews Informacions liuras Wikinews a per mission de raportar las actualitats d'un biais larg. De contributors del mond entièr redigisson amassa, dins una recèrca constanta de neutralitat, d'articles qu'acampan de publicacions originalas e de compilacions de fonts extèrnas. http://fr.wikinews.org

Wikiccionari Diccionari liure Wikiccionari es un projècte que cèrca de crear de diccionaris e de tesaurus liures. Es destinat a prepausar d'informacions sus totes los mots o locucions, ara o ancianament utilizats, oralament o per escrich, dins totas las lengas, vivas o mòrtas. http://oc.wiktionary.org

Wikisource Bibliotèca liura Wikisource es un projècte multilingüe que permet de constituir un fons de tèxtes de referéncia del domeni public coma de libres, de jornals, de tèxtes de lei, de letras. Aquestes documents son numerizats, annotats e traduches pels participants. http://fr.wikisource.org

Wikiversitat Comunautat pedagogica liura Wikiversitat es un projècte derivat de Wikibooks. Es un espaci comunautari dedicat a la transmission del saber a travèrs la creacion pedagogica de corses, d'exercicis e de supòrts de recèrca. http://fr.wikiversity.org

Plaqueta informativa realizada per Wikimédia France : http://www.wikimedia.fr Los lògos presentats son la proprietat de Wikimedia Foundation.