Plaça de l'Òli

Un article de Wikipèdia, l'enciclopèdia liura.
Canton nòrd-oèst de la plaça
Canton sud-est, ambé lo novèu Ostau dei Tèstas

La Plaça de l'Òli a Tolon se tròba dins la Bassa Vila (lo quartier naissut a l'Edat Mejana). A l'origina èra una plaça sus la riba de la mar que li dien La Platea. Lei rempart bastits a l'Edat Mejana l'embarreron e comencèron a li dire Plaça de la Mar. A la fin dau sègle XIV, li sieguèt bastit lo Castèu de la Mar, residéncia dau Rei e sietge de la justícia e dau balhatge que s'espandiá entre aquesta plaça a lo valat (l'actuau Cors de La Faieta a l'autor de la Plaça de Loís Blanc). La plaça venguèt Plaça del Palays o Plaça del Castel.

Sieguèt dempui lo començament la plaça dau mercat dei paisans e pescadors amb una peirà curada que permetía d'emplena lo volum d'un setier (un còp emplenat, un trauc dins sa partida inferior permetiá de la vuejar e conclure ansin la transaccion).

Lo castèu sieguèt avalit en 1483 e lei remparts au començament dau sègle XVII sota Enric III de Navarra e IV de França per faire recular la riba e bastir la Carirriera de Borbon (uei Carriera de la Republica).

En 1989 lo malastre toquèt la Plaça de l'Òli ambé l'explosion de l'Ostau dei Tèstas que faguèt 13 mòrts.

Fònt[modificar | Modificar lo còdi]

  • Masse, Daniel. Toulon pas à pas. Barcelona : Horvath, 1993.